الدنيا
الدنيا صبحت مجزرة
والقلوب متكدرة
والمصري آخر بهدلة
والكرامة متبعترة
وكل العيون متشحورة
مافيش غير الحنجرة
بتقول كلام بالقنطرة
والاخوة صارت مهذلة
محتاجة عملية بسترة
أصل العروبة متعورة
وفي القناة متصورة
والحالة يا عربي مدهورة
وانت حالتك متأخرة
والمصري تايه في كده
بدمه يدي ده ودي
يتصفي دمه في الفدي
والنهاية نقول رضي
لأ كفاية من الطيبة ديا
أصحي وشوف نفسك شويه
دي الكره ليك ميه ميه
والنعيم بتعيشه هي
ووحدك عايش حياة حربيه
وانت يا طيب سليم النيه
واسرائيل حاجه غبيه
فكراك انت هفيه
وانت ابن مصر البهيه
قولها ابعدي شويه انتي يا وش الآذية
تأليف:منه الله نور
ليست هناك تعليقات:
إرسال تعليق