مجرزة امام استاد الدفاع الجوي

مجزرة وتسريبات ولعب اربع ورقات 

نكلم ببساطة من غير اي تعقيدات نحكي علي مجزرة مصرية وتسريبات ، وسواء مؤيد او معارض الحق ما فهوش  عيب او حرام ، هنحكي بجد ان اللي بيحصل دلوقتي متخطط ومحسوبله من امبارح بليل من اول ما التسريبات بقيت بشكل عالمي والفضيحه كانت اون لاين ، وطبيعي لازم يكون فيه حل سريع لالهاء الالسنة عن الحديث في تسريبات قناة مكملين الفضائية اللي كشفت التلاعب علي  الكرسي والوصول للسلطة باي شكل ، وبكل الطرق المهم يتحقق الهدف اللي فوق بيخططوله ، اولا تم شراء نصف التذاكر والنصف التاني هدايه لناس محدش يعرفها مين وكمان الناس دي مجتش الماتش ، وضع اسلاك شائكه علي بوابة الدخول عشان محدش يدخل غير بصعوبة بمعني ممنوع انه يدخل الا فرد واحدمنها ، الجماهير المحبة للزمالك كلهم كانوا بيصارعوا للوصول لاستاد الدفاع الجوي ، النتيجة اطلاق النيران عليهم وضربهم  ومنع وصول التراس الزمالك للماتش والحصيله 30 قتيل امام الاستاد، وتكملة المبارة بكل هدوء، جثث مرمية علي الارض بتنزف ولاعبين مكملين المبارة ، والتلفزيون المصري لم يعلن عن الحادث الا بعد انتهاء الماتش سياسات تنفذ بكل دقة وحرفية من القائمين علي المنظومة لعب علي المكشوف والنتيجة مقتل الابرياء لحماية الملوك وتستمر المجازر في مصر لتعبر عن حقيقة يتجاهلها الكثير منا تحت مسمي "احنا شعب فرعون وبنتفزلك" فلازم نموت ولازم نسكت والا ...!